Հավերժության
թելը

Ասում են՝ ազգի պատմությունը քարի վրա է գրվում։ Բայց մենք գիտենք՝ այն գրվում է նաև թելով։

DN8-ը մեկ օրում չի ստեղծվել։ Նրա պատմությունը սկսվել է գրեթե մեկ դար առաջ՝ ընտանեկան արհեստից, որտեղ յուրաքանչյուր սերունդ հաջորդին փոխանցում էր ոչ միայն վարպետությունը, այլև իր գործի նկատմամբ ունեցած վերաբերմունքը։ Մեզ սովորեցրել են, որ յուրաքանչյուր գիծ պետք է լինի անթերի, յուրաքանչյուր կար՝ ամուր, իսկ որակը չի հանդուրժում փոխզիջումներ։ Դերձակության արվեստի հետ մեկտեղ սերնդեսերունդ փոխանցվել են կտորի նկատմամբ հարգանքը, մանրուքների հանդեպ ուշադրությունը և պատասխանատվությունը արհեստանոցից դուրս եկող յուրաքանչյուր իրի համար։

2002 թվականին ընտանեկան գործը շարունակեց նոր սերունդը։ Այն պահպանեց ավանդույթները, բայց ապագային նայեց նոր տեսանկյունից։ Այսպես ծնվեց DN8-ը՝ ժամանակակից սպորտային բրենդ, որը հիմնված է ժառանգության, մշակույթի և ինքնության վրա։

Հենց սա է DN8-ը տարբերում սպորտային հանդերձանքի համաշխարհային բազմաթիվ բրենդներից՝ իմաստի նկատմամբ վերաբերմունքը։ Երկար տարիներ հայ մարզիկների մարզահագուստը ստեղծում էին միջազգային ընկերություններ՝ գրեթե չանդրադառնալով Հայաստանի պատմությանը, խորհրդանիշներին և մշակութային ժառանգությանը։ Շատ հաճախ ամեն ինչ սահմանափակվում էր «Armenia» գրությամբ և զինանշանով։ Դա պարզապես հագուստ էր։ Մենք ուզում էինք ավելին՝ զրահ։ DN8-ը ստեղծվեց դա փոխելու համար։

DN8-ի յուրաքանչյուր գիծ, զարդանախշ և խորհրդանիշ ունի իր իմաստը։ Մենք ուսումնասիրում ենք հայկական մշակութային ժառանգությունը և այն մարմնավորում ժամանակակից սպորտային դիզայնում։ Մեզ համար սպորտը պարզապես մրցակցություն չէ։ Այն հնարավորություն է աշխարհին պատմելու մեր երկրի, նրա մշակույթի, բնավորության և ինքնության մասին։

2023 թվականից DN8-ը Հայաստանի ազգային հավաքականի պաշտոնական մատակարարն է։ 2024 թվականին բրենդը նախագծեց և ստեղծեց Հայաստանի Օլիմպիական հավաքականի ներկայացուցչական համազգեստը Փարիզի ամառային խաղերի համար։

Մեր առաքելությունն է, որ համաշխարհային ասպարեզում Հայաստանը ներկայացնող յուրաքանչյուր մարզիկ իրեն զգա և ներկայանա որպես իսկական չեմպիոն։ Հագնելով DN8-ը՝ մարզիկը հագնում է ոչ միայն մարզահագուստ։ Նա հագնում է հպարտություն իր երկրի հանդեպ, իր ինքնությունը և կապը իր հայրենի մշակույթի հետ։ DN8-ի տեսլականն է դառնալ համաշխարհային սպորտային բրենդ, որն օգնում է տարբեր երկրներին սպորտի, մշակույթի և դիզայնի միջոցով արտահայտել իրենց ազգային ինքնությունը։

Ընտանեկան արհեստից՝ մինչև աշխարհի խոշորագույն սպորտային ասպարեզներ։ Մենք DN8-ն ենք։ Մենք կերտում ենք ազգային ինքնությունը սպորտի և մշակույթի միջոցով։ DN8-ը հաղթողների մշակույթն է։

Առաքելություն

Ստեղծել իմաստ կրող սպորտային հագուստ՝ միավորելով մշակույթը, ինքնությունը և ժամանակակից սպորտային դիզայնը, որպեսզի մարզիկները ներկայացնեն իրենց երկիրը հպարտությամբ, արժանապատվությամբ և գաղափարով։

Տեսլական

Դառնալ համաշխարհային ճանաչում ունեցող սպորտային բրենդ, որը սպորտի, մշակույթի և դիզայնի միջոցով ձևավորում է ազգային ինքնություն աշխարհի տարբեր երկրների համար։